懷孕31週：成日都聽人講，話懷孕媽媽是最美的！最美的時間，當然要影一輯靚相黎留念啦🙈🙈由決定生二寶開始，都成日幻想帶埋芊嶠一齊去影大肚相，影錫我個肚，比我抱住，坐係我個肚到影相，同埋影nude！因為唔諗住生第三胎，所以今胎決定大膽d，影一輯性感d既相，芊嶠都一於齊齊唔著，同媽媽影nude😂😂多謝嶠爸都有份性感演出！
嶠媽今輯大肚相是在 Gaze Photo 影的，我們都不是第一次去影，對上一次係芊嶠100日個陣時，攝影師Emma是一個很用心的攝影師，會好努力比心機哄小朋友！今次去到，嶠媽就要先化妝，都是Emma一手包辦埋既！而芊嶠就同嶠爸係sofa到玩玩具，最正係Studio入面張sofa有超多玩具玩，連電腦播緊YouTube片都唔夠玩具吸引！
好快就完成左化妝set頭，之後就開始影nude先，其實嶠媽都怕怕地尷尬，而且仲影到出汗😅😅可能真係會緊張，但除左嶠爸同肚入面細佬，其他都係女，都唔知怕咩😂😂當然到我同嶠爸影個陣，女助手就會幫手同芊嶠玩，好彩芊嶠都冇咩扭計🙈🙈最好笑係，到佢影佢就影兩張想走，到媽媽自己影，佢又要走黎話一齊影😅😅
影完nude就影左我自己帶去既黑色裙，原本仲擔心芊嶠唔知著咩配合我，但我一早係whatsapp同Emma傾左會影一套黑，一套白，Emma都好好，一早已經幫我搵定黑色紗裙比芊嶠，等佢可以同媽媽襯返一套，好靚👍🏼👍🏼不過我坐，佢又要坐😂😂又唔肯笑😢😢不過都算合作架喇！
到最後就影花園背景，影白色紗裙，嶠媽都係簡左條sexy既，芊嶠就著到成個花女禁，好靚好得意呀，仲要有條好靚既花花頭帶襯衫，嶠媽都有好靚既花花頭飾，同紗裙&芊嶠真係襯到絕，好靚好靚好靚😝😝不過芊嶠都影到好累，佢想訓教，所以更加唔想點笑，仲要係禁問助手姐姐拎星星餅食😅😅食左唔知幾多😂😂
Emma其實用左好多心機幫我地諗pose，事前又同我夾左好多，我想影既佢都mark低哂，真係唔話得！相就要等四星期先收到，但佢都執左幾張，加左watermark，等我可以頂下條癮👍🏼👍🏼😊😊一訓醒收到相個刻，真係想大叫出黎，嘩左一聲，即刻whatsapp多謝Emma，因為真係好靚，我冇諗過可以影到自己禁靚！靚相當然要同人分享，所以我都唔介意Emma係佢個page share出黎！
#gazephoto #pregnancyphoto #nude #性感演出 #emmachoi #嶠媽嶠爸 #芊嶠 #雞蛋仔 #sweetfamilyphotos
Search